ଏକପଦୀକୁ ମୋ ଡରନା...

*ମନ ମୁଗ୍ଧକର ବ୍ୟଙ୍ଗ  ଏକପଦୀ*

କାଲିଠୁ ପଧାନ ବୋପ‍ା-ପୁଅ ଭିନେ
ଘରେ ଯୋଡେ ଚୂଲି ଜଳୁଛି;
ଯେତେ ଘରେ ଯେତେ ମାଇପିଙ୍କୁ
ସେତେ ହଜାରେ ଟଙ୍କା ଯେ ମିଳୁଛି!

ମଦ ଜଳ ଦେବତା, ପାଉଡର ବିଷ୍ଣୁ
ଗଞ୍ଜେଇ ସାକ୍ଷାତ ମହେଶ୍ବର;
ଯେତେ ଓପାସ କରିଲେ ବି
ଅଦୈା ଦେଖା ମିଳୁନାଇଁ ପ୍ରଭୁଙ୍କର!

ଫୁଲ୍ ପ୍ୟାଣ୍ଟ୍ ସାର୍ଟ କାଟୁଛନ୍ତି ଏବେ
ଦୀର୍ଘକାଳୀନ ଛୁଟି;
ଓଭର ଟାଇମ୍ ଡିଉଟି କରିକି
ଲୁଙ୍ଗି ହାଫଙ୍କ ପଛ ଯାଉଅଛି ଫାଟି!

ଘରେ ବସିଛନ୍ତି କାମଧନ୍ଦା ଛାଡି
ହିରୋ ହିରୋଇନୀ ଘୋଷକ;
ବହୁଦିନ ପରେ ନାୟିକାମାନଙ୍କ
       ଦେହେ ଏବେ ପୂରା ପୋଷାକ!

କବିଙ୍କର ସଂଖ୍ୟା ବଢି ଯାଇଅଛି
କିଏ ଲେଖେ କିଏ ହାଉଳି;
ଲାଗୁଅଛି କିବା ନିଶା ଅଭାବରୁ
              ହେଉଛନ୍ତି ଇଏ ବାଉଳି!

ଫାଇନି ଡରରେ ମୁହଁ ଲୁଚେଇକି
ଦେଖା କରୁଥିଲେ ନିତି;
ଭୁଲରେ ତା ମାଆକୁ କୁଣ୍ଢେଇ
             ପ୍ରେମର ହୋଇଲା ଇତି!

©ଡ.କୁଳାଙ୍ଗାର